Ресейде дүрбелең туғызған пилотсыз ұшатын аппараттар Қазақстан аумағынан ұшырылды деген алып-қашпа әңгіме тараған болатын желіде. Сыртқы істер министрлігінің ресми өкілі Айбек Смадияров осыған жауап берді.
– Қазақстан аумағынан Ресейге қарай пилотсыз ұшатын аппараттар жіберіліп жатқаны туралы мәліметтер шындыққа жанаспайды, — деді спикер брифингіде.
Айбек Смадияров мұндай оқиғалардың бәрі құзыретті органдардың жіті бақылауында екенін еске салды.
– Бұл жерде техникалық сипаттағы мәселелер бойынша Қорғаныс министрлігіне жүгіну керек, — деп қосты СІМ өкілі.