Облыс орталығындағы Арбатта қымызмұрындық ғұрпы ұлықталады, деп хабарлайды Arda.kz.
Игі іс-шараны облыстық сәулет-этнографиялық және табиғи-ландшафтық музей-қорығы ұйымдастырады. Қалалықтар мен қонақтар қымыздан дәм татып, сауын маусымын ашады.
– Біздің мақсатымыз Ұлы даланың қасиетті сусынымен байланысты салт-дәстүрлерді ұлықтау, – дейді ұйымдастырушылар.
Мерекелік шарада облыстық филармонияның әншілері, «Нұр-Алтай» би ұжымы, «Ақниет», «Атамұра» ансамбльдері, «Белес» этно-фольклорлық тобы және әнші Аслан Шыңғысбекұлы өнер көрсетеді. Сондай-ақ викториналар, ұлттық ойындар, қолөнершілер көрмесі мен ұлттық тағамдардың жәрмеңкесі ұйымдастырылады.
Қымызмұрындық сағат 12:00-де басталады.